"Айгир" турист поезчĕсене ÿстерĕç

Маларах ҫул ҫӳревҫӗсене пилӗк вакун турттарнӑ пулсан, халӗ вӗсем вуннӑ пулĕç. Пушкӑртстан транспорт министерствинче çакă ирхи Ĕпхÿ-Белорецк рейса (7:08 сехетре кайни, 12:06 сехетре ҫитни) тата каҫхи Белорецк-Ĕпхÿ каялла рейса (17:52 сехетре кайни, 22:19 сехетре ҫитни) пырса тивӗ. Çул çÿреве хальхи икĕ системӑллӑ ЭС-105 "Финист" электропуйӑссем пурнӑҫлаҫҫӗ. Салон ӑшӗнче  сывлӑша тасатакан кондиционерсем, велосипед пӳлӗмӗсем, гаджетсене заряд памалли разъемсем тата виҫӗ туалет пӳлӗмӗ пур. Составăн тӗп уйрӑмлӑхӗ - пысӑк кантӑксем, вӗсенчен Белорецк  районӗнчи тусемпе вӑрмансен  илемлӗ сӑнĕсем уҫӑлаҫҫӗ. Ҫул ҫинче пассажирсене буфетри вӗри апат тата асӑнмалӑх фирма сувенирӗсем сӗнĕç.