- Программа темиçе çул ĕçлет. Кунта, паллах, миллиардсем пирки сăмах пырать – эпир 20-шер млрд тенкĕ уйăраттăмăрччĕ. Çак программăна тăсмалла. Унсăр пуçне виçине ÿстермелле, - тенĕ патшалăх пуçлăхĕ.
Президент палăртнă тăрăх, муниципалитетсен ертÿçисем тăрăшнипе федераллă проектăн тухăçĕ пурах.
- Эпĕ ыйтнине эсир пурнăçлама пултартăр, çак ĕçе çынсене явăçтарма ыйтнăччĕ. Мĕнпур çĕршывĕпе 14,2 млн çын хутшăннă, - палăртнă Владимир Путин.
- Паллах, эпир программăна пурнăçлассине 2030 çулччен тăсăпăр. Çакă Строительство министерствишĕн пысăк пĕлтерĕшлĕ. Вăл пирĕн программа, эпир те мĕнпур регионсем пекех ăна малалла тăсассине ырлатпăр. Хальхи лару-тăру çакăн пек: 2023 çулта бюджетра 56 млрд тенкĕ пулнă, 2024 çулта - 60 млрд тенкĕ, - тенĕ РФ çурт-йĕрпе комуналлă хуçалăх министрĕ Ирек Файзуллин.
«Хăтлă хула хутлăхĕ йĕркелесси» проектăн тĕллевĕ – общество хутлăхĕсемпе картишсене тирпей-илем кĕртесси. Вăл 2017 çулта РФ Президенчĕ Владимир Путин хушăвĕпе хута кайнă. Хальхи вăхăтра «Çурт-йĕр тата хула хутлăхĕ» наци проекчĕн йышне кĕнĕ.
«Çурт-йĕр тата хула хутлăхĕ» наци проекчĕн тĕллевĕ - хула хутлăхĕн хăтлăхне ÿстересси. Унпа килĕшÿллĕн çынсене хăйсен хулисене тирпей-илем кĕртес ĕçе явăçтараççĕ. Унсăр пуçне çулталăкне 120 млн тăваткал метр çурт хута ярасси, 5 млн çемьен çурт-йĕр условине лайăхлатасси те кĕрет.