Пушкăртстанра пурăнакансене хăйсен укçи-тенкипе мĕнле усă курмаллине вĕрентесшĕн

Çут ĕç эстафетисен иккĕмĕш тапхăрĕн теми - «Пуçламăш укçа-тенкĕ: ăна мĕнле ĕçлесе илмелле тата мĕнле тăкакламалла». Программăпа килĕшÿллĕн экспертсемпе онлайн тĕлпулусем, куçăн лекцисем, мастер-классем тата финанс викторинисем иртеççĕ. Вĕсене пурне те пĕрремĕш хут ĕçлесе илнĕ укçа-тенкĕпе тата финанс культури ыйтăвĕсемпе çыхăнтарнă. Паллах, Раççейри граждансен пурнăç пахалăхĕпе шайне ÿстерессине шута илсе йĕркеленĕ. Çак тапхăр аслă классенчи шкул ачисемпе студентсемшĕн усăллă пулмалла.

Пуçламăш укçа ыйтăвне моифинансы.рф портал хăйĕн йытăмĕнче (опрос) хускатнă. Унта пурĕ икĕ пин ытла çын хутшăннă. Унăн пĕтĕмлетĕвне çут ĕç эстафетисен иккĕмĕш тапхăрĕн пуçламăшĕнче тунă. Кăтартусене хак панă май çакна курма пулать, Раççейре 66 процент çын çамрăклах, 18 çула çитиччен, ĕçлесе тупăш илме май тупаççĕ. РФ гражданĕсен 73 проценчĕн малтанхи ĕçĕ çын паян ĕçлекен профессийĕпе тÿр килмест. Ыйтăма хутшăннисен 86 проценчĕ пуçласа ĕçпе тивĕçтерекенсем вĕсене улталаманнине пĕлтернĕ, 14 проценчĕ вара вĕсем кăмăла пăснине çирĕплетнĕ.

Раççей çыннисем пуçласа ĕçлесе илнĕ укçа-тенке мĕнле тăкаклаççĕ, мĕнле ăру финанс ирĕклĕхĕ енне туртăнать тата ыйтăмри ытти ыйтусем çине моифинансы.рф. порталта вуласа пĕлме пулать.

Аса илтеретмĕр,çут ĕç эстафетисен пĕрремĕш тапхăрне çемье бюджетне йĕркелссипе çыхăннă пĕлÿлĕхе халалланă пулнă.

Мероприятисене ирттермелли материалсене Раççей Финанс министертвин Наукăпа тĕпчев финанс институчĕн эксперчĕсем хатĕрленĕ.

Эстафетăн иккĕмĕш тапхăр материалĕсене моифинансы.рф порталта тупса паллашма пулать: https://моифинансы.рф/estafeta/moi-pervye-dengi/

Юрий СНЕГОПАД.

Раиф БАДЫКОВ сăн ÿкерчĕкĕ.