Нумай ачаллă аннесем иртерех пенсие тухĕç

Саккун тăрăх, нумай ачаллă аннесем пенсие срокчен тухма пултараççĕ. Çапла майпа пилĕк ачаллă аннесем тивĕçлĕ канăва 50 çулта, тăватă ачаллисем 56  çулта, виçĕ ачаллисем 57 çулта тухма пултараççĕ.  Çавăн пекех ачасене усрава илнĕ нумай ачаллă аннесем те срокчен страхлав пенсине тухĕç.

РФ Социаллă фондăн ПР уйрăмĕн пресс-службинче срокчен тухмалли требованисене пĕлтернĕ:

- страхлав стажĕ 15 çултан кем пулмалла мар;

- пенси коэффициенчĕ кирлĕ чухлĕ пулни (2024 çулта – 28,2);

- ачасене 8 çул тултариччен пăхни;

- ашшĕ-амăш прависемсĕр тăрса юлни, усрава илнине пăрахăçлани пулмалла мар.

Срокчен пенсие каяс тесен заявление Госуслуги порталти личный кабинетра, МФЦ офисĕсенче, Раççей  социаллă фондăн Пушкăртстанри уйрăмĕсенче памалла.