2025 çулта федераллă хыснаран 81,5 млрд тенкĕ уйăрĕç

Виçĕ çуллăх бюджетăн проектне депутатсем пĕтĕмĕшле декабрь уйăхĕн 19-мĕшĕнче парламентăн пленарлă ларăвĕнче пăхса тухма калаçса татăлнă. ПР Патшалăх Пухăвĕн председателĕ Константин Толкачев çирĕплетнĕ тăрăх, республика Пуçлăхĕпе канашласа закон проектне, тупăшсемпе тăкаксен статйисене шута илсе, тÿрлетÿсем кĕртнĕ. Вĕсен шутне федераллă бюджетран килекен укçана каялла тавăрса памалла марри, çавăн пекех хамăр республикăн тупăшĕ кĕрет.

«Каялла тавăрса памалла мар укçа-тенкĕ виçине 12,6 млрд тенкĕ ÿстернĕ, хамарăн тупăша – 1,2 млрд тенкĕ. Пĕтĕмĕшле çакă 13,8 млрд тенкĕпе танлашать. Ăна тăкаксен тĕрлĕ статйисем тăрăх пайланă. Вĕсен шутне вĕрентÿ, сывлăх сыхлав, пурăнмалли çурт-йĕр хуçалахĕн сферисем кĕреççĕ тата пассажирсене туртарассипе çыхăннă тăкаксем. Бюджет дефицичĕ малтанхи пекех 4 млрд тенкĕ пулать»,- тенĕ Константин Толкачев.

Юрий СНЕГОПАД.