Пушкăртстанри медицина ĕçченĕсене ĕç укçи тÿлеме 294 млн тенкĕ уйăрнă

Тивĕçлĕ хушăва çĕршывăн премьер-министрĕ Михаил Мишустин алă пуснă. Пушкăртстанра çак тĕллевсене 294 млн тенке яхăн уйăрнă.  Укçа-тенке медицина страхованин фончĕсен хушшинче пайлĕç.

Медицина ĕçченĕсен шучĕ ÿснипе укçана ытларах уйăрма йышăннă. 2025 çулта медицина учрежденийĕсене 26 пин специалиста ĕçе йышăнĕç – 11 пин тухтăра тата 15 пин вăтам звено специалистне.

- Ресурссем часрах вырăна çитессе, медицина ĕçченĕсене вырăнсемпе тивĕçтерме пулăшасса, çĕршыври медицина пулăшăвĕн пахалăхне лайăхлатма май парасса шанатпăр.

Укçа-тенкĕн ытларах пайне Санкт-Петербургпа (753,4 млн тенкĕ) Мускав (749,6 млн тенкĕ) хулисене парĕç.