Пенсионерсем январь уйăхĕнчи пенси тÿлевне маларах илĕç

Раççейри Социаллă фонд Çĕнĕ çул уявĕсене пула январь уйăхĕнче пенси тÿлевĕсемпе маларах тивĕçтересси çинчен пĕлтернĕ.

«Фонд январь уйăхĕн 1-11-мĕшĕсенче банк урлă пенси илекен пенсионерсене декабрь уйăхĕн 30-мĕшĕччен январь уйăхĕнчи тÿлевсене куçарса парĕ. Ыттисене, кам январĕн 11-мĕшĕ хыççăн илет, стандартлă йĕркепех куçарса парĕç», - тенĕ пĕлтерÿре.

Тÿлеве почта урлă илекен ватă çынсем малтан çирĕплетнĕ кунсенчех илĕç. Почтальосем ăна январь уйăхĕн 3-мĕшĕнчен пуçласа илсе килме пуçлĕç.

Сăмах май, ача посбийĕсене те маларах тÿлĕç.

Юрий СНЕГОПАД.