+17 °С
Облачно
Укçа-тенкĕ
13 Июля , 08:30
Раççейре бензин хакĕ мĕнле улшăннă?
«Чек Индекс» аналитика служби çĕршыври кашни виççемĕш АЗСра июль уйăхĕн пĕрремăш вунă кунĕнчи автомобиль топливин хакĕсемпе çыхăннă кăтартусене пухнă. Çулталăк хушшинче АИ-92 бензинăн медианнăй (чи йÿнĕ тата чи пысăкки) хакĕ 20% ÿснĕ (пĕр литрĕ 70,5тенкĕ тăрать), АИ-95 – 24% (77,5 тенкĕ çитнĕ), АИ-98 – 32% (119,5 тенкĕ), АИ-100 – 13% (94,5 тенкĕ). Дизель топливи çулталăк хушшинче 11 % хаклăланă, пĕр литрĕ 88 тенке çитнĕ, компримированнăй çут çанталăк (метан, СН2) газĕ – 14 % (29 тенкĕ), углеводородлă сивĕтсе хĕстернĕ газ – 18 % (35,5 тенкĕ). Пысăк заправкăсемпе пĕчĕккисен (уйрăм предпринимательсен) хакĕсем икĕ хут уйрăлса тăма пултараççĕ.
Раççейре бензин хакĕ мĕнле улшăннă?
«Коммерсант» кăларăм пĕлтернĕ тăрăх, чи пысăк хакланнă пулăм АИ-100 бензинпа çыхăннă – 37 процент. АИ-95 тата АИ-98 бензинсене сахалрах туянма пуçланă. Çав вăхăтрах дизтопливо сутасси 38 % ÿснĕ, углеводородлă сивĕтсе хĕстернĕ газ – 17 %, компримированнăй çут çанталăк газĕ -8 %.
Юрий СНЕГОПАД.
