Аш-какай производстви валли субсиди илнĕ

Шаран ялĕнче пурăнакан Динар Галимовăн çемйи 25 çул аш-какай производствине аталантарать. Арăмĕпе пĕрле какай сутнинчен пуçланă, паянхи кун тĕтĕмленĕ тата чĕрĕлле типĕтнĕ аш-какай изделийĕсем хатĕрлеççĕ.

Продукци хăйсен лавккисенче сутăнать, республикăра тата ун тулашĕнче те туянаççĕ. Бизнеса анлăлатас тесе усламçă предпринимательствăн пĕчĕк тата вăтам субъекчĕсене (МСП) пулăшмалли программăпа оборудовани туяннă чух тăкаксен пĕр пайĕшĕн компенсаци илнĕ.

Туса кăларакан продукцин пахалăхне пĕрре мар наградăсемпе çирĕплетнĕ. 2024 çулта аш-какай изделийĕсем «Наш бренд» куравра ылтăн медале тивĕçнĕ, Динар Галимов хăй «Чи лайăх çемье предпринимателĕ» номинаципе «Çулталăк предпринимателĕ» муниципаллă конкурсра çĕнтернĕ.

Автор:Инга Алексеева

Читайте нас

Партнеры