Виçĕ миллион тенкӗлӗх ҫӑмӑллӑхлӑ займ илнӗ

Пушкӑртстанри микрокредит компанийӗ Октябрьский хулинче выльӑх апачӗ туса илессипе ӗҫлекен Ольга Ахметгареева предпринимателе 8 процент ставкӑпа виҫӗ миллион тенкӗлӗх ҫӑмӑллӑхлӑ кивҫен укçа панӑ.

Предприяти республикӑри вуншар фермер хуҫалӑхне выльӑх апачӗпе тивӗҫтерет. Кивҫен илнĕ укçа-тенкĕпе чӗр тавар, склад туянма тата юсама, ҫавӑн пекех производство линине анлӑлатма янӑ. Предприяти малтан 50 кг таякан тырра хутаçсене тултарса сутнă, каярах туянакансен ыйтнă уйрӑм рецептсемпе комбикорм хатĕрлеме тытӑннӑ.