Çулталăк пуçланнăранпа Пушкăртстанри çулсем çинче 30 ытла тискер чĕрчун вилнĕ

- Тискер чĕр чунсем вырăнтан вырăн куçасси йышлăланнă вăхăтра çул çинче тимлĕрех тата асăрхануллăрах пулăр, уйрăмах каçхине тата çĕрле. Енчен те чĕр чунсемпе инкек çул-йĕр палли лартнă вырăнта пулса иртсен, водителĕн чĕр чун тĕнчине сиен кÿнишĕн тăкаксене саплаштарнипе çеç ĕç пĕтмест, ун тĕлĕшпе административлă ĕç пуçараççĕ, - тесе ăнлантарса панă ПР Экологи министертвинче.

Çул çинчи пăтăрмах вăхăтĕнче пăши вилсен 80 пин тенкĕ тÿлемелле,  хир качакишĕн – 40 пин тенкĕ, хир сыснишĕн - 30 пин тенкĕ, упашăн – 60 пин тенкĕ.

Çул çинчи кашни инкеке патшалăх автоинспекцийĕн тата ПР Экологи министерствин ĕçченĕсем шута илмелле. Чĕр чун тĕнчине сиен кÿнĕшĕн айаплассинчен хăтăлма пулать, енчен те ОСАГО пур пулсан. Кун пек чухне тăкаксене страховани компанийĕ тÿлет.

Юрий СНЕГОПАД.