Ĕпхÿ çывăхĕнче фурăпа çапăннă автомобильте икĕ çыннăн пурнăçĕ татăлнă

Пушкăртстанри патшалăх автоинспекцийĕн пресс-служби пĕлтернĕ тăрăх, паян, декабрь уйăхĕн 7-мĕшĕнче, ирхине 7 сехетре Ĕпхÿ хулине хĕвеланăç енчен çаврăнса иртекен çулăн 50-мĕш çухрăмĕнче, Благовещенск районĕнче, «Лада Гранда» водителĕ çăк турттаракан Volvo автомобильпе çапăннă. Хăрушă инкеке пула хамăр çĕршывра туса кăларнă машина çинчи водительпе пассажир вырăнтах вилнĕ.

Кăшт вăхăт иртсен авари пулнă вырăнтан Nissan иртме пуçланă, анчах та вăл Тoyota пикапа пырса тăрăннă. Çавна пула «Ладăри» тепĕр пассажир тата Nissan çинче ларса пыракан 10 çулхи хĕр ача асап курнă. Вĕсене медицина пулăшăвĕ пама больницăна илсе кайнă.

Юрий СНЕГОПАД.