Икерчĕ çиессипе йĕркеленĕ конкурс инкекпе вĕçленнĕ

 Красноярск крайӗнчи пĕр хӗрарӑм икерчӗ нумай ҫисе пурнӑҫран уйрӑлнӑ. Унта Ҫӑварни пулнӑ май икерчӗ ҫиекенсен конкурсӗ иртнӗ.

Ăмăрту вăхăтĕнче хӗрарӑм ҫӑварне икерчӗ чикнӗ те чикнӗ, хӑй чӑмламан та. Ҫӗнтерес умӗн темиҫе минут маларах вӑл сывлайми пулса ларнӑ.

Тухтӑрсем хӗрарӑма ҫӑлма тӑрӑшнӑ, анчах икерчӗ апат ҫулне пӳлсе лартнӑ.