Пушкăртстанра 79 çулхи водитель автоинспектора взятка пама хăтланнă

Руль умĕнче ларса пыракан 79 çулхи водитель патшалăх автоинспекци ĕçченне взятка пама шутланă. Пăтăрмах ĕнер ирхине Мелеуз районĕнче пулса иртнĕ. Çул çинчи патруль службин уйрăм батальонĕн ĕçченĕсем çул-йĕр правилине пăснăшăн «Ford EcoSport» автомобиле чарнă. Ĕпхÿре пурăнакан 79 çулхи водитель хирĕç килекен çул çине тухма юраман вырăнта тепĕр транспортран иртсе каясшăн пулнă. Урăхла каласа «Иртсе кайма юрамасть» («Обгон запрещен») палла пăхăнман.

«Административлă протокол çырнă чухне водитель яваплăхран пăрăнасшăн пулнă, хăвăртлăх коробки çине 2 пин тенкĕ хунă. Анчах та инспекторсем çак провокацилле пулăма пÿлме пултарнă, вырăна следствипе оперативлă ушкăна чĕнсе илнĕ. Халĕ водитель тĕлĕшпе РФ Уголовлă кодексăн 291-мĕш статйипе (должноçри çынна взятка пама хăтланнăшăн) уголовлă ĕç пуçарма палăртаççĕ», - тесе пĕлтернĕ ПР Патшалăх автоинспекци пуçлăхĕ Владимир Севастьянов пулса иртнĕ пăтăрмаха хак парса.

Çакна та палăртмалла, Пушкăртстанра иртнĕ талăкра 65 ÿсĕр водителе тытса чарнă.

Юрий СНЕГОПАД.

Автор:Юрий Михайлов

Читайте нас:

Об использовании персональных данных

Телефон

8-347-86-4-12-78

Электронлă почта

[email protected]

Адрес

Республика Башкортостан, г. Белебей, ул. Мало Луговая, 53А

Реклама пайĕ

8-347-86-3-25-44

Редакци

8-347-86-4-22-81

Пĕрле ĕçлени

8-347-86-4-22-81

Кадрсен пайĕ

8-347-86-4-14-73