Инкек апрель уйăхĕн 10-мĕшĕнче пулса иртнĕ. Ача çул урлă çуран каçмалли вырăнта чупса каçма хăтланнă. Автомобиль пысăк хăвăртлăхпа пынă, водитель хĕр ачана айккинчен пăрăнса иртме ĕлкĕреймен, автомобилĕн сылтăм хĕррипе лектернĕ. Çапăннипе хĕр ача асфальт тăрăх темиçе теçетке метр ыткăнса кайнă.  

Пушкăртстан Сывлăх сыхлав министерстви пĕлтернĕ тăрăх, хĕр ача  Пелепей хулинчи реанимацире выртать. Ĕпхÿрен чĕнсе илнĕ тухтăрсем ăна операци туса ирттернĕ.