Пушкăртстанра çĕнĕ 500 видеосăнав камери вырнаçтарнă

Пушкăртстанра 2025 çулхи пĕрремĕш çурçуллăхра çĕнĕ 486 видеосăнав камери вырнаçтарнă. Ирек Сагитов вице-премьер правительствăри ларура республикăри хуласемпе ялсенчи камерăсен шучĕ 5,2 пине çитни çинчен пĕлтернĕ.

«Видеосăнав камерисемпе усă курса 28 преступление уçма, 50 преступление тупса палăртма пултарнă. Йĕркене пăснине «Хăрушлăхсăр хула» аппаратпа программа комплексĕн интеллектуаллă видеосăнав камерисем те пулăшаççĕ. Вĕсем автомат режимĕнче çынсен пичĕсене шыраса тупаççĕ.