Ĕпхÿре хуралçа урнă тилĕ çыртса пĕтернĕ

Ĕпхÿре урнă тилĕ хуралçă çине тапăннă. Пăтăрмах «Отдых» кафе çывăхĕнче пулса иртнĕ. Тискер чĕр чунсене реабилитаци ирттерекен «Пин и Пуф» центр ертÿçи Дмитрий Стрельцов пĕлтернĕ тăрăх, арçын хуралçă йытă тилĕпе çапăçнине курса вĕсене уйăрма шутланă, каярах хăй суранланнине асăрханă.

Йытă туласа пĕтернĕ тилле «Пин и Пуф» центра илсе кайса карантина вырнаçтарнă. Унта тискер чĕр чун вилнĕ. Унăн ÿтне тĕпчеме панă. Çак кунсенче пĕтĕмлетÿ кăтартăвĕсем паллă пулнă – тилĕ урнă чирпе чирлĕ пулнă.

Çакна та асăрхаттарса хăварасшăн, çулталăк пуçланнăранпа республикăн тĕп хулинче хуçасăр йытăсем çыртнипе 25 ача асап курнă.

Юрий СНЕГОПАД.

Автор: Юрий Михайлов

Читайте нас