Арçын урамсем хĕресленнĕ вырăнта хăйĕн автомобильне çунтарса янă

Видеоролик çинчи пулăма пăхас пулсан, малтан арçын светофор умĕнче чарăнать, ун хыççăн ВАЗ-2112 автомобилĕн аккумуляторне кăларса илет. Унпа машинăн тĕкĕрĕсене, фарисемпе кантăкĕсене çапса ватать. Ун хыççăн, кăшт вăхăт иртсен, автомобиль çулăмпа çунма пуçлать.

Пăтăрмах вырăнне çул-йĕр патруль службин ĕçченĕсем килсе çитнĕ, çийĕнчех Инкеклĕ лару-тăру ведомствин çăлавçисене чĕнсе илнĕ. Халĕ инкек мĕн сăлтава пула пулса иртнине уçăмлатаççĕ.

Юрий СНЕГОПАД.