Радий Хабиров ейÿ тата пушар хăрушлăхĕн сезонне епле хатĕрленнине сÿтсе явнă

Раççейри гидромет палăртнă тăрăх, çĕршывăн ытларах территорийĕнчи юр хулăнăшĕ нормăран иртнĕ. Çав вăхăтрах февраль уйăхĕн вĕçĕнче - мартăн пуçламăшĕнче çĕршывăн Европа пайĕнче сывлăш температури хăвăрт улшăнма пултарать. Çакă шыв шайĕ хăпарасси патне илсе çитерĕ.

Пушкăртстанра 2025 çулта ейÿ нумай çулхи вăтам кăтартуран маларах пуçланнă – мартăн 17-20-мĕшĕсенче.  Пĕтĕмĕшле республикăра 28 муниципалитетра хăрушлăх кăларса тăратнă 63 ейÿ тĕслĕхне шута илнĕ. Вĕсене пула 122 пурăнмалли çурт, 341 çурт çумĕнчи территори, çавăн пекех 38 çул шар курнă.

 - Малтанхи прогнозсемпе килĕшÿллĕн кăçал ейÿ срокран маларах, март вĕçĕнче, пуçланма пултарать. Иртнĕ çулхине Инзер юхан шывĕ çинче пăр капланчăкĕ  пухăннăран Архангельск районĕнчи уйрăм çуртсене шыв илчĕ. Çакăн пек лару-тăрусем кăçал та сиксе тухасран асăрханмалла. Пушар хăрушлăхĕн сезонне те маларах хатĕрленмелле. Мониторинг йĕркелесси, сирпĕнÿ (взрыв) ĕçĕсене хатĕрленесси, минераллă ярăмсем туса тухасси… - пысăк та калăпăшлă ĕçсем. Вĕсене мĕнле пурнăçа кĕртмеллине эпир лайăх пĕлетпĕр. Асăннă тĕллевсем валли федераци бюджетĕнчен тивĕçлĕ укçа-тенкĕ илтĕмĕр, республика хыснинчен те укçа уйăрнă. Çакна та палăртса хăвармалла: юлашки икĕ çул хушшинче республикăра пушарпа çыхăннă лару-тăру лăпкă, - тенĕ Радий Хабиров.