Талăкра республикăра 61 ÿсĕр водителе тытса чарнă

Иртнĕ талăкра Патшалăх автоинспекцийĕ регионта çул-йĕр правилисене пăхăнман 1400 тĕслĕхе шута илнĕ. Вĕсенчен 61-шĕ руль умне алкоголь шĕвекĕ ĕçнĕ хыççăн ларнă, виççĕшĕ тĕлĕшпе уголовлă ĕç пуçарнă тесе пĕлтернĕ ведомство пресс-служби.

Çавăн пекех çул-йĕр службин инспекторĕсем ачасене илсе çÿремелли правилăна пăснă 64 пулăма тата çуран çÿрекене руль умĕнчи çынсем çул урлă каçмалли вырăнсенче чăрмав кÿнĕ 27 саманта тупса палăртнă.

Владимир Севастьянов Пушкăртстан тĕп автоинспекторĕ «Урă водитель» операци малалла тăсăлнине пĕлтернĕ. Руль умĕнчи çынсем çул-йĕр правилисене кăнттам пăсни çинчен 8 (347)-279-32-92 шанчăк телефонĕ е телеграмри @GIBDDRB_02bot мессенджер урлă пĕлтерме пултаратăр.

Юрий СНЕГОПАД.

Автор: Юрий Михайлов

Читайте нас