Телефонĕ çине вируслă приложени вырнаçтарса укçине çухатнă

Белорецк районĕнче полици ĕçченĕсем 49 çулхи хĕрарăмăн банк счечĕ çинчен 30 пин тенкине вăрланине тĕпчеççĕ.

Март уйăхĕн вĕçĕнче хĕрарăм телефонĕ çине анлă сарăлнă интернет-лавккан приложенине вырнаçтарма тытăннă. Анчах та çак ĕçе кирлĕ пек ятарлă сервисран мар, реклама ссылкипе куçса тунă.

Ултавлă лару-тăруран тухма «йăнăш» приложение кăларса пăрахни те пулăшман. Мошенниксем инçетрен кĕмелли майпа унăн счечĕнчен тавар туянса ĕлкĕрнĕ. Çапла майпа хĕрарăм 30 пин тенкĕ укçине çухатнă.

Автор: Инга Алексеева

Читайте нас