+16 °С
Облачно
Хăрушсăрлăх
8 Мая , 12:00
Ĕпхÿ хĕрарăмĕн Mercedes-Benz хурçă утне конфискациленĕ
Тĕп хулан Киров район сучĕ херарăм-водитель тĕлĕшпе уголовлă ĕçшĕн приговор йышăннă. Вăл руль умне иккĕмĕш хут алкоголь напитокĕ ĕçнĕ пуçпа ларнă. Малтан ун тĕлĕшпе административлă ĕç пуçарнă пулсан, хальхинче вара ăна çирĕпрех явап тыттарнă.
Ĕпхÿ хĕрарăмĕн Mercedes-Benz хурçă утне конфискациленĕ
ПР прокуратура пресс-служби пĕлтернĕ тăрăх, 2025 çулхи июнь уйăхĕнче ют çĕршывра туса кăларнă автомобильпе пыракан хĕрарăма патшалăх автоинспекцин ĕçченĕсем чарнă. Медицина тĕрĕслевĕ иртнĕ хыççăн вăл Mercedes-Benz автомобиль рулĕ умне ĕçнĕ пуçпа ларни çиеле тухнă. Маларах та ăна çак статьяпах айăпланă пулнă.
Хĕрарăм хăйĕн айăпне йышăннă. Суд ăна 260 сехет тума тивĕçлĕ (обязательный) ĕçе пурнăçлама йышăну палăртнă. Унсăр пуçне пĕр çулталăк та 6 уйăха транспорт хатĕрĕпе çÿреме чарнă. Çавăн пекех Mercedes-Benz автомобиле патшалăх тупăшĕ шучĕпе конфискациленĕ.
Юрий СНЕГОПАД.
