+16 °С
Облачно
Хăрушсăрлăх
12 Мая , 04:00
Пушкăртстанра канмалли кунсенче икĕ çын путса вилнĕ
Иртнĕ канмалли кунсенче республикăра икĕ çын путса вилнĕ, иккĕшĕ те кимĕпе ишсе пынă чухне ÿпĕннĕ тесе пĕлтернĕ ПР Инкеклĕ лару-тăру патшалăх комитетĕнче. Пĕрремĕш пăтăрмахĕ май уйăхĕн 9-мĕшĕнче Благовещенск хулинче пулса иртнĕ. Кунта кану вăхăтĕнче Шуратăл тăрăх виçĕ çын моторлă пластик кимĕпе ишсе пынă чухне инкеке лекнĕ. Телее кимĕри икĕ арçын çăлăнса юлнă, виççĕмĕшне вара, 38 çулхи арçыннăн ÿтне, çăлавçăсем шывран туртса кăларнă.
Пушкăртстанра канмалли кунсенче икĕ çын путса вилнĕ
Май уйăхĕн 11-мĕшĕнче Караидель районĕнчи Уреш юхан шывра виçĕ арçын тимĕр кимĕ çинче пулă тытнă. Кимĕ упĕннĕ хыççăн шыв айне анса кайнă, çав вăхăтра икĕ пулăçă çыран хĕррине ишсе тухма пултарнă. Анчах та 55 çулхи Ĕпхÿ çыннине çăлăнса юлма Турри пÿрмен, унăн ÿтне çăлавçăсем шыраççĕ.
Юрий СНЕГОПАД.
