Ĕпхÿре хĕрарăм çине йытăсем тапăннă

Пушкăртстанăн тĕп хулинчи Черниковка районĕнче йытăсем тапăннипе пĕр хĕрарăм суранланнă. Çакăн пирки шар курнă çын хăйех социаллă сетьсенче каласа панă.

Пăтăрмах июнь уйăхĕн 12-мĕшĕнче Ушаков адмирал урамĕнчи 70-мĕш çурт картишĕнче пулса иртнĕ. Кунта пурăнакан çын каласа панă тăрăх, йытăсем виççĕн пулнă, вĕсенчен пĕри хĕрарăма уринчен çыртса илнĕ.

Суранланнă хĕрарăм йытăсем ачасем çине те тапăнма пултараççĕ тесе шутлать, асăрханма ыйтать. Çавăн пекех вăл йытăсен ушкăнне ВАЗ автоцентр пулнă вырăнта та тăтăшах курнине пĕлтернĕ.

Юрий СНЕГОПАД.

Автор:Юрий Михайлов

Читайте нас

Партнеры