Канмалли кунсенче виçĕ çын путса вилнĕ

Пушкăртстанра иртнĕ канмалли кунсенче шывра вилĕмпе вĕçленнĕ виçĕ инкек пулса иртнĕ. Çакăн çинчен республикăри Инкеклĕ лару-тăру министерстви пĕлтерет.

Çапла Абзелил районĕнчи Ташбулатово ялĕнчи Карабалыкты кÿлĕре 60 çулхи арçын вилĕм тупнă. Унăн ÿтне пулăçăсем туртса кăларнă.

Бирск районĕнче Верхнелачентау тата Нижнелачентау ялĕсем хушшинчи Шуратăл юхан шывра куракансем 19 çулхи каччăн ÿтне шывран туртса кăларнă.

Виççĕмĕш инкек Юмагузино водохранилищĕре сиксе тухнă. Шыва кĕнĕ чух куракансен куçĕ умĕнче 63 çулхи арçын путса вилнĕ. Вăл вырăнта шыва кĕме юраман пулнă.

Автор:Инга Алексеева

Читайте нас

Партнеры