Шкулсен хӑрушсӑрлӑхӗ валли тата 25 млн тенкӗ уйăрнă

Кăçал Пушкӑртстанри шкулсене 500 пин ытла ача каять, вӗсенчен 41 пинĕшĕ - пӗрремӗш класа.

Ҫӗнӗ вӗренӳ ҫулне 2445 учреждени хатӗр. Республика пуҫлӑхӗ Радий Хабиров хушнипе хӑрушлӑхӑн 1-мӗш тата 2-мӗш категорине кĕрекен шкулсене специалистсене явӑҫтарса икӗ режимлӑ ҫӗнӗ хурал системине куҫарнӑ. Ҫак тӗллевсене пурнăçлама 25 млн тенкӗ хушса уйăрнă. Видеосӑнав системисем 97,2% вĕрентÿ çуртĕнче ӗҫлеҫҫӗ, здание кĕнĕ чух тĕрĕслесе кĕртесси (турникет, кодлă уçăсем) – 96 процент.