Ятарлă çар операцине хутшăнакансене çĕнĕ пулăшу мери панă

Декабрь уйăхĕн 3-мĕшĕнче Радий Хабиров Мускав хулинчи Бурденко ячĕллĕ çар госпиталĕнче сывлăхĕсене çирĕплетекен суранланнă салтаксене çитсе курнă. Республика ертÿçи пушкăрт паттăрĕсене служба тивĕçĕсене çÿллĕ шайра пурнăçланăшăн тав тунă, вĕсене Шаймуратов генерал ячĕллĕ медальсем парса чысланă.

 - Госпитале кайса килнĕ хыççăн Мускавра сипленекен салтаксене тата мĕнле пулăшу пама пултарнине ăнлантăм. Раççейĕн тĕп хулинче Пушкăртстан представительстви пур. Шăпах унта номер фончĕ уйăрăпăр, аманнă хÿтĕлевçĕсен тăванĕсемпе çывăх çыннисем унта пурăнма пултарччăр, - тенĕ Радий Хабиров салтаксемпе тĕл пулнă хыççăн.