Волонтерсем маскировка сечĕсем çыхма станок хатĕрленĕ

Маскировка сечĕсем çыхма спанбонд текен материал кирлĕ. Пире пĕр сарлакăш тата вăрăмăш туса касмалла. Çак ĕçе алăпа пурнăçламалла. Халĕ 2,5 сехет хушшинче ятарлă станокпа хăюсем хатĕрлеме пулать.

 - Асăннă станока Азамат Загитовпа Юлия мăшăрĕ туса хатĕрленĕ. Ĕçĕ çăмăл мар, параппана алăпа çавăрмалла. Пир татăкне хăюсем туса арçынсем касаççĕ: Азамат Загитов тата Алексей Сафонов, шкул ачисем, студентсемпе çамрăк армеецсем. Хатĕр хăюсене çавăнтах маскировка сечĕсем çыхакан вырăнсене илсе çитереççĕ, - каласа панă Андрей Иванюта.

Район пуçлăхĕн сăмахĕсем тăрăх, юлашки уйăх хушшинче хулара тата районта çар çыннисем валли 30 яхăн маскировка сечĕ çыхнă.