«Пӗрлĕхре – пирĕн вӑй!»

Йĕркелÿ ыйтăвĕсене çар хирĕç тăрăвĕсен ветеранĕ Максим Михайлов хăй çине илнĕ. Ятарлă çар операцийĕн пĕрремĕш кунĕнченех Максим Викторович пĕр ял çыннисемпе гуманитари пулăшăвĕ хатĕрлес ĕçе хастар хутшăнать.    

«Пĕрлĕхре – пирĕн вăй!» волонтерсен штабĕнче паянхи кун та ĕç вĕресе тăрать. Ушкăн пайташĕсем  ĕҫе çÿренĕ пек кунсерен килсе маскировка сечĕсем ҫыхаççĕ, фронт тата Çĕнтерÿ валли костюмсем ҫĕлеççĕ. Салтаксемпе ҫыхăну тытни малалла ĕçлеме хавхалану кÿрет.  Ятарлă çар операцийĕнчен тăван тăрăха отпуска таврăнакансем волонтерсен штабне çул тытаççĕ. Хальхинче «Корч» хушма ятлă салтак штаба хăнана килнĕ. Вăл штаб кураторне Максим Михайлова, волонтерсен ушкăнне вĕсен пархатарлă ĕçĕшĕн тав тунă.