Пушкăртстанран Курскпа Белгород облаçĕсене пулăшу ăсатнă

Икĕ фурăна куллен кирлĕ пулакан япаласем: тумтир, гигиена япалисем, пластик савăтри шыв, апат-çимĕç пуçтарнă. Çакăн çинчен Пушкăртстан пуçлăхĕн администраци ертÿçи Максим Забелин хăйĕн социаллă сечĕсенче пĕлтернĕ.

Çавăн пекех çав шутра «Урал» броньлă автомобиль пур. Чиновниксем республика влаçĕсем асăннă регионсемпе тăтăшах çыхăну тытаççĕ. Кирек мĕнле пулăшу та пама хатĕр.

Сăмах май каласан, Максим Васильевич Курск облаçĕнче çуралса ÿснĕ. Тăван çĕршывĕнчи пулăмсем «хăйĕн историйĕ» шутланать. Унта унăн тăванĕсем, пĕлĕшĕсемпе юлташĕсем çакăнта пурăнаççĕ.

- Эпĕ курск облаçĕн Суджанск районĕнчи Гончаровка ялĕнче çуралса ÿснĕ. Суджа хулинчи шкултан вĕренсе тухсан çарпа медицина академине вĕренме кĕнĕ, тухтăр специальноçне алла илнĕ. Курск облаçĕнчи çар ведомствинче авиаци полкĕн медицина службин пуçлăхĕ пулса ĕçленĕ.

- Манăн аттепе анне тата кĕçĕн йăмăкпа унăн çемйи Курск облаçĕнчи Суджанск районĕнче пурăнатчĕç. Халĕ вĕсем çавăнта каялла таврăнасшăн, - хушса каланă Максим Васильевич.

Унăн ашшĕ Украина çарĕсем тапăнма пуçласан та тăван килне пăрахса каясшăн пулман, вăрах вăхăт ÿкĕтлесен çеç вырăнтан куçса кайма килĕшнĕ.