93 çулхи волонтер çĕршер мăшăр нуски çыхнă

Кушнаренко районĕнчи вăрăм ĕмĕрлĕ сумлă ватăсенчен пĕрне Альфия Исламгареевна Сайфутдинована Тăван çĕршывăн Аслă вăрçинче çĕнтернĕренпе 80 çул çитнине халалласа асăну медалĕпе чысланă. Асăннă наградăна Кушнаренко район администраци пуçлăхĕ Марат Латыпов тата Шарипово ял Канашĕн пуçлăхĕ Рустам Гильманов панă.

Альфия Исламгареевна 93 çулта, вăл Гургуреево ялĕнче пурăнать. Тăван çĕршывăн Аслă вăрçи вăхăтĕнче тăван ялти колхозра ĕçленĕ, фронта пулăшнă.

Ятарлă çар операцийĕ пуçлансан Альфия Исламгареевна çулĕсене пăхмасăр волонтер ĕçĕ-хĕлне пуçăннă. Кинемей çар çыннисем валли çĕршер мăшăр çăм нуски çыхнă.

- Альфия Исламгареевнана паянхи хÿтĕлевçĕсене, 80 çул каялли пекех, пулăшу парас ĕçе пысăк тÿпе хывнăшăн тав тăватпăр. Çакăн пек çынсем пурри пире кирек мĕнле ларура та пĕрлĕхпе пĕр-пĕрне пулăшни пĕлтерĕшлĕ пулнине аса илтерет, - палăртнă Марат Латыпов.