Шамиевсем СВОна мотоциклсем ăсатнă

Бирск районĕнче пурăнакан Шамиевсем хăйсен укçи-тенкипе эндуро класлă икĕ мотоцикл туяннă, хурçă утсене ятарлă çар операцийĕ пыракан зонăна ăсатнă.

Çавăн пекех ырă кăмăллă та таса чун-чĕреллĕ çынсем салтаксем валли сиплĕ курăксем пухса хатĕрленĕ. Çакăн пирки муниципалитет администрацийĕ пĕлтернĕ.

Гуманитари пулăшăвне вырăна хăвăртрах çитерес тесе Шамиевсем Раççей Геройĕпе Борис Дудкопа çыхăнăва тухнă. Пĕрлехи вăйпа тиеве сывлăшпа десант çарĕсен 76-мĕш дивизийĕн салтакĕсене илсе çитерессине йĕркеленĕ.

Автор: Ирида Матниязова

Читайте нас