Пушкăртстанăн виçĕ районĕнче çÿп-çап комплексĕсем хăпартĕç

Проекта пурнăçласси пирки  калакан килĕшĕве инвесторсемпе иртнĕ çул алă пуснă. Комплекссен пĕтĕмĕшле хакĕ 10 млрд тенкĕ. 2030 çулччен Пушкăртстанра хытă коммуналлă каяшсене йышăнакан 26 объект пулмалла: тăватă çÿп-çап сортламалли комплекс, тăхăр полигон тата 13 утилизаци объекчĕ.

3239 санкцисĕр çÿп-çап тăкнă вырăнран 2917-шне тĕп тунă. Тăхăр вун пĕр çÿп-çап вырăнне «Генеральная уборка» проекта кĕртнĕ. Вĕсенчен 13-шне Раççей Çут çанталăк министерстви тавралăха сиен кÿрекен объектсен патшалăх реестрне тăратнă.