Çĕнĕ çулхи уявсем вăхăтĕнче 27,7 пин тонна çÿп-çап турттарнă

Асăннă ĕçре 342 техника единици ĕçленĕ. Çакăн çинчен правительствăри оперативлă канашлу вăхăтĕнче  республикăри çут çанталăкпа усă курасси тата экологи министрĕ Нияз Фазылов пĕлтернĕ.

Ун сăмахĕсем тăрăх, регионти операторсем маларах йышăннă графикпа ĕçленĕ. Йĕркерен тухасси çÿп-çап турттаракан машинăсене иртме çул пулманнипе çеç çыхăннă. Декабрь уйăхĕнчен пуçласа январь уйăхĕн 8-мĕшĕччен 7 пин чăрмав сиксе тухнă. Каярах пур каяшсене те илсе тухма пултарнă.