Юхан шыв трамвайĕсемпе 193 пин çын ярăннă

Кăçал Ĕпхÿре 20 круиз теплохочĕ пулнă, вĕсем 4 пин ытла турист илсе килнĕ. 2023 çулта та çакнах çирĕплетнĕ.

  - Çакăншăн шалти шыв çулĕсен бассейнĕн Кама администрацине тав тăватпăр. Шăпах вăл шыв тарăнăшне анлăлатассипе çыхăннă ĕçсене çулсерен ирттерет, çакă пире нумай палубăллă карапсене йышăнма май парать,  -палăртнă республика ертÿçи.    

Радий Хабиров шыв транспортне аталантарас ĕçе малалла тăснине пĕлтернĕ.

  - Планра - Ĕпхÿри, Дюртюлюри, Бирскри, Агидельти, Краснокамск районĕнчи Никола-Березовкăри причал инфраструктурине аталантарасси.  Çавăн пекех юхан шывфлотне те çĕнетмелле, - пĕтĕмлетсе каланă регион пуçлăхĕ.