Китая 56 тонна типĕ сĕт ăсатнă

Çак кунсенче Россельхознадзорăн Пушкăртстанри управленийĕ Мелеузри  сĕт консервисен комбиначĕ Китая ăсатма хатĕрленĕ 12 тонна типĕ сĕте тĕрĕсленĕ.

Импортер-çĕршыв ыйтнипе килĕшÿллĕн РФ патшалăх чиккинче  сĕт продукцин виçĕ партине тĕрĕсленĕ тата регистрациленĕ. Россельхознадзор ведомствине кĕрекен лаборатори валли тĕслĕхсем суйласа илнĕ.

Тĕрĕслев ведомствинче тĕпчев пĕтĕмлетĕвĕсем тăрăх, Пушкăртстанри типĕ сĕт Китай  çĕршывĕн апат-çимĕç хăрушсăрлăхне тивĕçтерни çинчен пĕлтернĕ.

Мелеуз хулинчи типĕ сĕт производителĕ экспорт сертификацине иртнĕ, ăна «Цербер» ФГИС Экспортерсен реестрне кĕртнĕ. Пурĕ 2025 çул пуçланнăранпа асăннă предприяти Китай çĕршывне тăхăр партипе 56 тонна типĕ сĕт ăсатнă.