Агропромышленность производстви 8,5% ÿснĕ

 - Кăтартăва кăçалхи январь-март уйăхĕсенче ял хуçалăх тата апат-çимĕç промышленность продукцийĕсен калăпăшĕсене шута илсе никĕсленĕ. Вăл республикăра апатлану продукцийĕсем туса кăларнин шайне кăтартса парать. Уй-хиртен, фермăран пуçласа лавккари сентресем таран, - ăнлантарса панă ПР ял хуçалăх министрĕ Ильшат Фазрахманов.

2025 çулти пĕрремĕш кварталти ял хуçалăх продукцийĕсем туса илнĕ калăпăш 33,8 млрд тенкĕпе танлашнă (индекс – 101, 6%), апат-çимĕç продукцийĕ – 42,6 млрд тенкĕ (индекс – 113,9%), ĕçмесен – 8 млрд тенкĕ (индекс – 110,5%).