Раççейре шкул пуххин хакне шутласа кăларнă

Июнь-июль уйăхĕсенче шкул пуххин (шкул форми, рюкзак, кĕпе, шăлавар, туфли, кроссовки, футболка, дневник, тетрадьсен комплекчĕ, канцеляри, пенал) хакĕ çулталăк хушшинче 7% ÿснĕ, 16,2 пин тенке çитнĕ. Суту-илĕвĕн 60 проценчĕ маркетплейссем урлă пурнăçланнă.

Ашшĕ-амăшĕсенчен чылайăшĕ шкул таварĕсене маларах туянмасть. Яланхи пекех август уйăхĕнче, сентябрь тĕлне хĕвĕшÿ пуçланать. Пĕтĕмĕшле статистика кăтартса панă тăрăх, ашшĕ-амăшĕсем шкула хатĕрленнĕ май укçа-тенке перекетлемеççĕ.

Иртнĕ çулхи июнь-июль уйăхĕсемпе танлаштарсан рюкзаксем 4% йÿнелнĕ: 4078 тенкĕ;

Шкул форми (пайламсăр) – 6% хаклăланнă: 3135 тенкĕ;

Канцеляри таварĕсемпе тултарнă пенал – 21% ÿснĕ: 1164 тенкĕ;

Кăранташсен/ручкăсен пуххи - +35%: 429 тенкĕ;

Тетрадьсен пуххи - +17%: 459 тенкĕ.

Кĕпесемпе блузкăсен хакĕ – 1078 тенкĕ (+7%);

Шăлаварсемпе юбкăсем – 949 тенкĕ (+7%);

Кроссовки – 2067 тенкĕ (+13%);

Туфлисемпе атă-пушмаксем – 2089 тенкĕ (+10%);

Футболкăсем – 621 тенкĕ (+10%).

Автор:Ирида Матниязова

Читайте нас