Пушкăртстан Китая сĕт продукцине ытларах ăсатма пуçланă

Россельхознадзорӑн Пушкӑртстанри управленийӗн пресс-служби Мелеузри сӗт-ҫу консервин комбиначӗ Китая 19 тонна типӗ сӗт ӑсатнине пĕлтерет.

Регионти агропромышленность комплексӗн продукцине ют ҫӗршыва ăсатассине "Халӑхсен хушшинчи коопераци тата экспорт"наци проект витĕмĕпе пурнăçлаҫҫӗ. Çулталӑк пуҫланнӑранпа Мелеузран Китая пурӗ 112 тонна сӗт продукцийӗ ăсатнӑ. Продукцин мӗнпур партине Китай халăх республикин Таможня управленийӗ ыйтнипе Россельхознадзорӑн республикӑри управленийӗн специалисчӗсем тӗрӗслев витӗр ирттернĕ.