Инвестора патшалăх пулăшăвĕ парĕç

Асăннă компани хулара 30 млн тенкĕлĕх çул-йĕр комплексĕ хăпартма палăртать. Проектпа килĕшÿллĕн кунта талăкĕпе ĕçлекен кафе, пекарня, кану зонипе машинăсем тăратмалли вырăн, вырăнти фермерсемпе ал ĕç ăстисем валли суту-илÿ тумалли тÿлевсĕр лапам пулĕç.

ПР Экономика аталанăвĕн министерствинче палăртнă тăрăх, çакăн йышши проектсем предприниматель ĕç-хĕлне аталантарма, муниципалитетсен экономикине çирĕплетме, çĕнĕ ĕç вырăнĕсем уçма пулăшаççĕ. Сăмахран, кунта 10 çын ĕçлеме пултарать. 2027 çулхи  II кварталта строительство ĕçĕсене вĕçлеме тата комплекса уçма палăртаççĕ.