Вăрман продукцине ытларах экспорта ăсатма пуçланă

Раççей ял хуçалăх  надзорĕн регионти управленийĕ пĕлтернĕ тăрăх, 2026 çулхи çичĕ уйăх хушшинче республикăри вăрман промышленноçĕн предприятийĕсем чикĕ леш енне 35 пин кубометр пĕрене-хăма ăсатнă. Пушкăртстан продукцине Азербайджанпа Казахстан, Киргизипе Таджикистан, Туркменипе Узбекистан республикисем туянаççĕ.

Вăрман продукцине экспорта яриччен Пушкăрт тĕпчев лабораторинче тĕрĕсленĕ. Тĕпчев кăтартăвĕсем пĕрене-хăмасенче сăтăрçăсем çуккине çирĕплетнĕ.

Танлаштарма: 2025 çулхи январь-июль уйăхĕсенче чикĕ леш енне 33 пин кубла метр вăрман продукцийĕ ăсатнă.