Фельдшер аманнă салтаксене сиплеме фронта тухса кайнă

Вазима Елкибаева тухтăр пулса ĕçленĕ. Госпитальсенче медицина ĕçченĕсем çитменни çинчен пĕлсен вăл ĕçтешĕпе пĕрле фронта аманнă салтаксене пулăшма кайма йышăну тунă.

 - Интернетра суранланнисен сăнÿкерчĕкĕсемпе видеосене курсан вĕсене шел пулчĕ. Манăн пĕрремĕш професси - фельдшер, çавăнпа та пĕрремĕш пулăшу пама пултаратăп. Анчах вăрçăра пурте эпир шухăшланă пек пулса пымасть. Эпĕ госпитале мар, блиндажа лекрĕм, - каласа панă Вазима Елкибаева.

Медицина ротинче служба иртнĕ вăхăтра хĕрарăм тупă çурăлнипе тревога сассисене хăнăхса çитнĕ, малтанхи пекех хăрамасть. Анчах вăл хăйĕн икĕ хĕрĕпе тăванĕсемшĕн тунсăхлать.

 - Кашни кун вăл - тĕрĕслев, анчах эпĕ хамăр çĕршыва хÿтĕлекенсене пулăшма пултарнишĕн мăнаçланатăп, - палăртнă Вазима Елкибаева.