Аманнă салтака хăйĕн кĕлеткипе хупланă

«Ятарлă çар операцине эпĕ тулли мар мобилизаци пуçлансанах кайма шухăшларăм. Анчах та май пулмарĕ — хĕр тесе йышăнамарĕç çар комиссариатĕнче. Ытти регион урлă та кайма хăтлантăм. 2024 çулта тинех Санкт-Петербургра РФ Хӳтĕлев министерствипе контракт çыртăм. Ятарлă çар операцийĕнче эпĕ кирлĕрех терĕм», — аса илчĕ Чăваш Енри Канаш хулинче кун çути курнă Ева Анисимова.

Кăçалхи февраль уйăхĕн пуçламăшĕнче Ева пĕрле служба тухакансемпе вăйлă аманнă салтака — унăн ури арканнă — эвакуацилеме кайнă. Анчах унтан хĕре хăйне госпитале ăсатма тивнĕ…
«Жгутпа çыхнă самантра çывăхрах дрон кĕрленине илтрĕм. Сасă вăйлансах пычĕ. Ку мĕнпе вĕçленессе ăнланса аманнине хамăн кĕлеткепе хупларăм — манăн ăна та, унăн урине те сыхласа хăварас килетчĕ. Темиçе çеккунтран снаряд сирпĕнчĕ. Тек нимĕн те астумастăп. Эпĕ виçĕ кунран çеç Курскри больницăра тăна кĕнĕ», — аса илет «Паттăрлăхшăн», «Хăюлăхшăн», «Вилĕмрен çăлса хăварнăшăн» медальсене тата ытти наградăна тивĕçнĕ чăваш хĕрĕ.

Тĕплĕнрех – «Чăваш хĕрарăмĕ» (04.12.2025)

Автор: Юрий Михайлов

Читайте нас