Радий Хабиров СВО Ветеранĕсен ассоциацийĕ влаçсен тĕп партнерĕ пулнине палăртнă

Ĕнер, февраль уйăхĕн 12-мĕшĕнче, Ĕпхÿ хулинче ятарлă çар операцийĕн Ветеранĕсен ассоциацийĕн пухăвĕ иртнĕ. Ăна уçассипе çыхăннă церемоние ПР Пуçлăхĕ Радий Хабиров хутшăннă. Республика ертÿçи мероприяти вăхăтĕнче Чулхулан ятарлă çар операцийĕпе çыхăннă интерактивлă музейĕпе паллашнă. Кунта шкул ачисемпе студентсем валли 30 вĕренÿ модулĕ тăратнă.

Радий Хабиров журналистемпе калаçнă май влаçпа ятарлă çар операцийĕн Ветеранĕсен ассоциаци хутшăнăвĕн тĕп юхăмĕсене палăртнă.

- Асăннă ĕçе виççĕмĕш çул илсе пыратпăр. Пирĕншĕн ассоциаци ятарлă çар операцийĕн ветеранĕсен ыйтăвĕсене татса пама пулăшакан тĕп партнер шутланать. Эпир йĕркелÿ тапхăрне иртрĕмĕр, халĕ тытăмсене йĕркелес тапхăр пырать. Çак обществăлла организацийĕн инфраструктурине аталантарăпăр. Ку питĕ пĕлтерĕшлĕ. Унчченхи çулсенче ытти çар хирĕç тăрăвĕсене хутшăнакансен пĕрлешĕвĕсем хăйсен пысăк тухăçлăхне кăтартса пачĕç. Вĕсем СВОна хутшăнакансемпе пĕр чĕлхе тупнă, чылай ыйтăва вырăнта татса пама пултарĕç. Эпир вара управлени тата йĕркелÿ йышăнăвĕсене йышăнăпăр, кирлĕ пулăшупа тивĕçтерĕпĕр, - тенĕ республика ертÿçи.