Автомат вырăнне пульт

Полк йышĕнчен чылайăшĕ тулли мар мобилизаци йĕркипе тăван çĕре, çемйисене хÿтĕлеме тăнă. Вĕсенчен пĕри – Татăшлă районĕнчи Нижнебалтачево салинче пурăнакан Анатолий Давлеев. «Гном» хушма ятлă çар çынни тĕрĕслевсем витĕр хăюллăн тухнă, кăмăл çирĕплĕхне кăтартнă.

Анатолийĕн çар çулĕ Хусанти вĕренÿрен пуçланнă. Çакăн хыççăн вăл юлташĕсемпе пĕрле Ростов облаçĕнчи Миллерово хулинче пĕр уйăх ирттернĕ. 2023 çулхи январь уйăхĕнче Луганск Халăх Республикинчи 428-мĕш мотострелоксен полкне килсе çитнĕ. Салтаксем Северодонецк тата Кременной хулисенче вырнаçнă. Юлашкин крепоçне çулталăк хушши тăшманран хÿтĕленĕ. Раççей çар çыннисем вырăнта пурăнакансене те пулăшу панă. Çав шутра суранланнисем те пулнă. Шăпах çавăн чухне «Гном» пĕрремĕш патшалăх наградине – «Вилекенсене çăлнăшăн» медаль – илме тивĕçнĕ. Унсăр пуçне Пушкăртстан арне Шаймуратов, «Хăюлăхшăн» II степень тата «Донбаса ирĕке кăларнăшăн» медальсемпе наградăланă.

2024 çулхи июль уйăхĕнче «Гном» çĕнĕ, паянхи çапăçура кирлĕ специальноçа – пилотсăр вĕçекен аппаратсен операторĕ – алла илнĕ. ПР Пуçлăхĕн Радий Хабировăн Росгварди çарĕсемпе тачă çыхăнса ĕçлессине йĕркелекен советникĕ Артур Юмагужин палăртнă тăрăх, дронсем паянхи хирĕç тăрусенче пĕлтерĕшлĕ вырăн йышăнаççĕ, вĕсем кирлĕ те тухăçлă хĕç-пăшалсем шутланаççĕ.