+17 °С
Облачно
Ятарлă çар операцийĕ
31 Июля , 12:00
«Игла» пĕрремĕш хут анне пулса тăнă
Ĕпхÿ хулинчи медицина сестри, ятарлă çар операцине хутшăннă Алина Маннанова пĕрремĕш хут анне пулса тăнă. «Игла» хушма ятлă çамрăк хĕр икĕ кун каялла Пушкăрт патшалăх медицина университечĕн клиникинче пепке çуратнă. Пĕчĕк чун асăннă клиникăра 1500-мĕш ача пулса çут тĕнчене килнĕ. Алинăна хăйĕн çуралнă кунĕнче больницăран кăларнă.
«Игла» пĕрремĕш хут анне пулса тăнă
Алина Маннанова 2023 çулта контракт алă пуснă, Луганск енчи çар подразделенийĕн йышĕнче малти линие тухса кайнă. Çамрăк хĕр суранланнисене эвакуацилекен ушкăн йышĕнче хĕсметре тăнă.
Паянхи кун «Игла» хушма ятлă салтак - «Герои Башкортостана» СВО ветеранĕсен кадр программин финалисчĕ, Лука Крымский ячĕллĕ медаль кавалерĕ, «Пурнăçсем çăлнăшăн» тата «Ятарлă çар операцине хутшăнакан» медальсен хуçи. Унсăр пуçне Алина Маннанова Пушкăртстанри СВО ветеранĕсен ассоциацийĕн председатель çумĕн тивĕçне пурнăçлать. Çавăн пекех ăна ПР Патшалăх Пухăвĕ-Курултайĕ çумĕнчи Çамрăксен обществăлла палатин йышне кĕртнĕ.
Халĕ Алина волонтер пулса фронта пулăшать, маскировка сечĕсем çыхать, блиндаж çуртисем хатĕрлет, гуманитари пулăшăвĕ пухса малти линие ăсатать.
