Çапла Кармаскалă районĕнчи Тинĕскÿл ялĕнче Пĕлÿ кунне халалланă линейкăра ятарлă çар операцине хутшăнса паттăрсен вилĕмĕпе вилнĕ Алексей Михайлова, Владимир Емельянова, Игорь Иванова, Чечен Республикинчи çар хирĕç тăрăвĕсенче пуçне хунă Эдуард Афанасьева тата Афган вăрçинче ĕмĕрлĕхех куçне хупнă Иван Никитина асра тытса асăну хăмисем уçнă. Унта ПР правительствин премьер-министрĕн çумĕ – республикăри промышленность, энергетика тата инноваци министрĕ Александр Шельдяев, Кармаскалă район администраци пуçлăхĕ Альфир Сабиров тата ытти хисеплĕ хăнасем, паттăрсен тăванĕсемпе çывăх çыннисем хутшăннă.
Асăну хăмисем çамрăк ăрăва Тăван çĕршыв хÿтĕлевçисем кăтарнă хăюлăхпа паттăрлăха асра тытмаллине астутарсах тăрĕç.