СССР халăх артисчĕн чĕри тапма чарăннă

Валерий Яковлев чăваш халӑхĕн пултарулăх аталанăвĕнче калама çук пысăк фигура пулса тăрать, вӑл чӑваш театрне аталантарассишӗн, артистсемпе театр ĕҫченӗсен ӑрӑвӗсене сапăрлав парассишӗн, ҫавӑн пекех Раҫҫей театрĕсен вӗренӳ заведенийӗсенче чӑваш студийӗсене тăвассишӗн пĕтĕм вăйран тӑрӑшнă. Çак ĕçсем пурте Валерий Николаевичăн иксӗлми чун хăватне, талантне тата юратнӑ ӗҫе чунтан парӑннине яр уҫса кăтартаҫҫĕ.

Валерий Николаевич пиртен уйрăлса кайни – чӑваш халăхĕшĕн пысăк ҫухату. Унăн ҫутӑ сӑнарӗ яланах пирӗн асра, чӗрере упранӗ.
Çакăн пек йывăр ҫухату пирки Валерий Николаевич тăванĕсемпе, ытти çывăх çыннисемпе пĕрле эпир те, Пушкăртстан чăвашĕсем, питĕ хурланнине пĕлтеретпĕр.

Валерий Николаевич Яковлевпа сывпуллашасси тата  гражданла панихида Чăваш академи драма театрĕнче декабрь уйăхĕн 23-мĕшĕнче 11.00 сехетрен пуçласа 13.00 сехетчен иртет тесе пĕлтернĕ театр администрацийĕ.