Каркуша сăнарне вылякан Галина Марченко çут тĕнчерен уйрăлса кайнă

Мускавра 89 çула ярса пуснă, «Спокойной ночи, малыши» («Ырă каç пултăр, ачасем!») ача-пăча передачинче Каркуша сăнарне вылякан Галина Марченко актрисăн чĕри тапма чарăннă. Çакăн пирки AVNMedia телешоу производство студийĕ пĕлтернĕ.

Галина Марченко 1937 çулхи январь уйăхĕн 16-мĕшĕнче Мускавра çуралнă. 1975 çулта вăл Тĕп телевиденинче ĕçлеме пуçланă. 1998 çулта шăпа Галина Марченкăна Каркушăпа паллаштарнă. Çавăнтанпа вĕсем 25 çул хушши пĕр-пĕринчен уйрăлман.

Автор:Ирида Матниязова

Читайте нас

Новости партнеров