Пур хыпар та
Ĕçлĕ визит
4 Августӑн , 09:35

Радий Хабиров Минигали Шаймуратов ячĕллĕ батальон боецĕсемпе тĕл пулнă

Август уйăхĕн 3-мĕшĕнче Пушкăртстан Пуçлăхĕ Радий Хабиров Раççей Геройĕ, Минигали Шаймуратов генерал-майор ячĕллĕ пушкăрт мотострелоксен батальонĕ çар вĕренĕвĕсем иртекен (Донбаса ярас умĕн) вырăна çитсе курнă. Регион ертÿçи боецсемпе тĕл пулса калаçнă, вĕсене ятарлă операци вăхăтĕнче умри тĕллевсене пурнăçлама ăнăçу суннă.

Радий Хабиров Минигали Шаймуратов ячĕллĕ батальон боецĕсемпе тĕл пулнă
Радий Хабиров Минигали Шаймуратов ячĕллĕ батальон боецĕсемпе тĕл пулнă

Аса илтеретпĕр, подразделение ăсатмалли церемони июль уйăхĕн пуçламăшĕнче Чишма районĕнчи «Патриот» çарпа патриотизм парк территоринче пулса иртнĕччĕ.

Вĕренÿ полигонĕнче пулнă май Пушкăртстан Пуçлăхĕ тактика занятийĕсене çитсе курнă, салтак-офицерсен пурăнмалли пурнăç условийĕсемпе кăсăкланнă. Çавăн пекех вăл хăйсен ирĕкĕпе батальона çырăннă пакунлă çынсене çул пилĕ панă.

- Эсир кунта пĕр уйăх çар ĕçне хăнăхатăр, часах хатĕрленÿ тапхăрĕ вĕçленет. Ку енĕпе питĕ те пĕлтерĕшлĕ ĕç пыни, профессионал специалист-командирсем тата лару-тăру вăрçăрине çывăх пулни курăнать. Пирĕншĕн сирĕнпе тĕл пулса калаçасси малти вырăнта тăратчĕ. Сирĕн мĕн те пулсан ыйтмалли, сĕнмелли пур-тĕр, - палăртнă Радий Хабиров.

Калаçу вăхăтĕнче батальон боецĕсем регион Пуçлăхĕнчен хăйсен çемйисене пулăшма ыйтнă.

- Ку вăл - манăн парăм тата манăн уйрăм яваплăх, - тенĕ Радий Хабиров. - Эпир сирĕн тăванăрсемпе çывăх çыннăрсене пĕччен хăварас çук, вĕсемпе пĕрле эсир таврăнасса кĕтĕпĕр.

Унсăр пуçне çар çыннисем ятарлă операци вĕçленсен те Минигали Шаймуратов ячĕллĕ батальона салатса ямалла маррине пĕлтернĕ.

- Ку кăсăк пуçару. Сирĕн сĕнĕвĕре эпир пăхса тухса хак парăпăр, уйласа пăхăпăр, -  пĕтĕмлетнĕ Радий Хабиров.

Сăмах май, июль уйăхĕнче Пушкăртстанра тепĕр çар батальонĕ йĕркеленĕ. Вăл Раççей Геройĕ, Александр Доставалов майор ячĕпе хисепленет.

Юрий СНЕГОПАД.

Автор:Юрий Михайлов
Читайте нас в